പേരാമ്പ്ര: പേരാമ്പ്രയിലെ എൽഡിഎഫ് സ്ഥാനാർത്ഥി ടി. പി. രാമകൃഷ്ണന്റെ മണ്ഡല പര്യടനം ഒന്നാം ഘട്ടം പൂർത്തീകരിച്ചു. പര്യടനത്തിന്റെ അഞ്ചാം നാൾ രാവിലെ പാറാട്ടുപാറയിൽ സ്ഥാനാർത്ഥിക്കൊപ്പം പ്രഭാത ഭക്ഷണം പരിപാടിയിൽ വൻ ജനാവലി പങ്കെടുത്തു.
തുടർന്ന് എടവനത്താഴ, കല്ലൂർ, ജാനകി വയൽ, കന്നാട്ടി, കാരയിൽ, വാല്യക്കോട്, കാരയാട് എകെജി സെന്റർ, തണ്ടയിൽത്താഴ, അരിക്കുളം പഞ്ചായത്ത്മുക്ക്, ഊരള്ളൂർ സ്വീകരണ കേന്ദ്രങ്ങൾക്ക് ശേഷം നടുവത്തൂർ പോസ്റ്റ്ഓഫീസ് പരിസരത്ത് സമാപിച്ചു. പറയുന്നത് നടപ്പാക്കുന്നതാണ് എൽഡിഎഫ് ശൈലിയെന്നും വാഗ്ദാനം നൽകി വഞ്ചിക്കുന്ന യുഡിഎഫിനെ ജനം തിരിച്ചറിയണമെന്നും ടി. പി.പറഞ്ഞു.
എൽഡിഎഫ് നേതാക്കളായ കെ. കുഞ്ഞമ്മത് , എസ്.കെ. സജീഷ്, എം. കുഞ്ഞമ്മത്, കെ.കെ.ഹനീഫ, ആർ. ശശി, കെ.ലോഹ്യ, പി മോനിഷ , പി.കെ.എം.ബാലകൃഷ്ണൻ, അനിത കുന്നത്ത്,എ.കെ. ബാലൻ, കെ. കെ. ഭാസ്കരൻ,ടി. കെ. ബാലഗോപാലൻ, പ്രകാശൻ കിഴക്കയിൽഎന്നിവർ പ്രസംഗിച്ചു. സ്വീകരണ കേന്ദ്രങ്ങളിൽ ഇവിടം സ്വർഗമാണ് എന്ന നാടകംഅരങ്ങേറി.